АҚШнинг Россияга қарши янги санкциялари тайёр бўлди
АҚШнинг Россияга қарши янги санкциялари тайёр. Бу ҳақда 3 июн, сешанба куни Fox News телеканали иқтибос келтирган АҚШ президентининг Украина бўйича махсус вакили Кит Келлог маълум қилди.
«Мен ўтган ҳафта охирида (Жанубий Каролина штатидан республикачи сенатор Линдси Грэм билан) гаплашдим ва улар тайёр эканлигига ишонаман. Улар 2025 йилги Россия санкциялари тўғрисидаги қонун деб аталади ва ишонаманки, у (Грэм) уларни тайёрлаб қўйган ва уларни эълон қилишга тайёр. Ва улар жуда оғир», — дея таъкидлади Келлог.
Қонун лойиҳасининг ташаббускори Грэмнинг ўзи ва сенатор Ричард Блюментал бўлди. У Россиядан нефт, газ, уран ва бошқа маҳсулотларни сотиб олувчи мамлакатлардан товарлар учун 500 фоиз божхона тўловларига тегишли.
Украина президенти Владимир Зеленский аввалроқ Америка етакчиси Доналд Трампни Россияни тўлиқ ўт очишни тўхтатишга «ундаш» учун унга қарши янги қаттиқ санкцияларни тасдиқлашга чақирган эди.
