АҚШда сальмонеллалар авж олмоқда: 2 миллион дона тухум қайтариб олинди
АҚШ озиқ-овқат ва фармацевтика идораси ҳамда АҚШ Касалликларни назорат қилиш ва олдини олиш марказлари маълумотларига кўра, сальмонелла авж олгани сабабли Америка бўйлаб 1,7 миллион дона тухум қайтариб олинди.
79 киши тухум истеъмол қилганидан кейин касал бўлиб қолди, 21 киши касалхонага ётқизилди, деб хабар беради Fox Business.
Калифорниянинг Ҳилмар шаҳридаги August Egg Company 3 февралдан 15 майгача Аризона, Калифорния, Иллинойс, Индиана, Небраска, Нью-Мексико, Невада, Вашингтон ва Вайомингда жўнатилган органик тухумларни ихтиёрий равишда қайтариб олди.
Тухумлар бир нечта бренд номлари остида сотилган, жумладан, Clover Organic, First Street, Nulaid, O Organics, Marketside, Raleys, Simple Truth, Sun Harvest ва Sunnyside ҳамда йирик дўконларда: Walmart, Save Mart, FoodMaxx, Lucky, Smart & Final, Safeway, Raleys, Food 4 Less ва Ralphs.
Сальмонелла билан заҳарланиш диарея, кўнгил айниши, ошқозон крамплари, иситмага олиб келиши мумкин ва ифлосланган овқатни истеъмол қилгандан кейин бир неча соат ёки ҳатто бир ҳафта ичида бошланиши мумкин.
Касаллик ёш болалар, катталар ва иммунитети заиф одамлар учун ҳам ўлимга олиб келиши мумкин.
Аввалроқ АҚШ федерал органлари Алабама, Жоржия, Шимолий Каролина, Жанубий Каролина ва Теннесси штатларидаги 25 та «Costco» дўконида сальмонеллалар хавфи туфайли катта ҳажмдаги тухумларни қайтариб олгани ҳақида хабар берилганди.
