Самарқанддан Исроилга авиарейс бекор қилинди
Самарқанд вилоятида Исроилнинг Тель-Авив шаҳрига учадиган авиарейс бекор қилинди. Бу ҳақда Аir Samarkand хабар берди.
Унга кўра, Тель-Авив Бен-Гурион аэропорти ва минтақа ҳаво маконининг вақтинча ёпилиши муносабати билан 15 июнь кунги 9S 501/502 Самарқанд—Тель-Авив рейси бекор қилинди.
Исроилга бошқа саналардаги рейслар ҳақида қўшимча равишда хабар берилиши айтилди.
Рейси бекор қилинган барча йўловчилар олдиндан э-маил орқали, шунингдек чипталарни харид қилган жойларда — кассалар ва сайёҳлик агентликларида хабардор қилинади.
Агар сизда ушбу рейсга чипта бўлса, сиз:
тўлиқ пулни қайтариб олишингиз, ёки
парвозни бошқа санага кўчиришингиз мумкин.
Бундан ташқари, Эрон ҳаво ҳудуди ёпилгани сабаб 13 июнда Тошкентдан учадиган:
Fly Dubai авиакомпаниясининг Дубай—Тошкент—Дубай йўналиши бўйича FZ-1945/1946 рейслари;
Аir Arabia авиакомпаниясининг Шаржа—Тошкент—Шаржа йўналиши бўйича G9-270/271 рейслари;
Asia Union авиакомпаниясининг Тошкент—Мадина—Тошкент йўналиши бўйича 7q-141/142 рейслари бекор қилинди.
