Эронда Моссаднинг икки агенти ҳибсга олинди

Эрон ҳуқуқ-тартибот идоралари Исроилнинг Моссад разведка агентлигининг икки гумонланувчи агентини қўлга олди.

Эрон матбуотига кўра, қўлга олинганлар бомбалар, портловчи моддалар ва электрон жиҳозлар ишлаб чиқариш билан шуғулланган. Ҳибсга олиш Теҳрон яқинидаги Алборз вилоятида жойлашган Караж шаҳрида амалга оширилган.

Эслатиб ўтамиз, Моссад Исроил разведка хизмати бўлиб, махфий маълумотларни олишдан ташқари, яҳудий давлатининг душманларини жисмонан йўқ қилиш билан шуғулланади.