Блокланиши кутилган TikTok АҚШда яна вақт ютдими?
АҚШ Президенти Дональд Трамп TikTok ижтимоий тармоғининг мамлакатда блокланиши кечиктирилиши мумкинлигини билдирди. Бу ҳақда у Reuters агентлигига берган интервьюсида маълум қилди.
“Бу, эҳтимол, Хитойдан рухсат олишни талаб қилади. Аммо менимча, биз бунга эришамиз. Президент Си [Цзиньпин] охир-оқибат бу битимни маъқуллайди, деб ўйлайман,” — деди Трамп.
Унинг сўзларига кўра, блокировка вақтинча кечиктирилиши TikTok’нинг АҚШдаги активлари бўйича келишувга эришиш мақсадида кўриб чиқилмоқда.
TikTok 2024 йилдан буён АҚШ ҳукумати назоратида бўлиб, миллий хавфсизлик таҳдидлари сабабли унинг фаолияти чекланиши ёки сотилиши масаласи кўндаланг турибди.
