NASA: сайёрамизда экстремал об-ҳаво ҳодисалари кескин ошди
Дунё бўйлаб сув тошқини ва қурғоқчилик каби экстремал об-ҳаво ҳодисаларининг интенсивлиги кескин ошди.
NASA тадқиқоти шуни кўрсатдики, улар тез-тез, узоқроқ ва оғирроқ бўлиб бормоқда. Бу тенденция сўнгги беш йил ичида сезиларли даражада ошди ва 2024 йилдаги кўрсаткичлар 2003-2020 йиллардаги ўртача кўрсаткичдан икки баравар юқори бўлди.
Тадқиқот давомида олимлар сайёрадаги экологик ўзгаришларни кузатувчи Grace сунъий йўлдоши маълумотларини таҳлил қилишди. Экстремал об-ҳаво ҳодисаларининг кескин ўсиши кутилмаган ҳолат эди. Муаллифларнинг таъкидлашича, улар сўнгги маълумотлардан “ҳайратда ва хавотирда”.
Бунинг сабаби, шубҳасиз, иқлим ўзгариши. Аммо экстремал ҳодисаларнинг интенсивлиги глобал ҳароратдан тезроқ ўсиб бормоқда. Олимларнинг фикрига кўра, одамлар табиий офатларнинг таъсирига тайёр эмас эди. Улар инфратузилмага катта зарар етказади ва одамларнинг қурбон бўлишига олиб келади. Иқлим инқирозининг энг жиддий оқибатларидан бири сув таъминоти тизимларининг бузилиши билан боғлиқ.
Тадқиқот шуни кўрсатдики, об-ҳаво ҳодисаларининг интенсивлиги ўртача глобал ҳарорат билан кўп жиҳатдан боғлиқ. Эль-Ниньо каби бошқа омилларнинг таъсири камроқ сезилади. Башоратларга кўра, ҳарорат кўтарилиши давом этар экан, қурғоқчилик ва сув тошқинлари кучайиши мумкин, деб хабар беради mir24.tv.
