Дунё янги ядро даврига кирмоқда – арсеналларни қисқартириш даври тугади, – SIPRI
Стокголм Халқаро Тинчлик Институти (SIPRI) маълумотларига кўра, глобал ядро арсенали яна ўсиб бормоқда ва давлатларнинг риторикаси тобора тажовузкор бўлиб бормоқда. Агар Совуқ урушдан кейин ядро қуроллари аста-секин қисқартирилган бўлса, ҳозир бунинг акси: жанговар каллаклар модернизация қилинмоқда, янги учириш тизимлари қурилмоқда ва юкланган қурилмалар сони ортиб бормоқда.
2025 йил январ ҳолатига кўра, дунёда 12 241 та жанговар каллак мавжуд бўлиб, улардан 3 912 таси аллақачон жойлаштирилган ва 2 100 га яқини юқори тайёргарлик ҳолатида. Ядро қуролларининг 90 фоизи АҚШ ва Россияга тегишли.
SIPRI огоҳлантиришича, агар 2026-йилда муддати тугайдиган START шартномаси ўрнига янги келишув имзоланмаса, арсеналлар янада тез ўсишни бошлайди. Бундан ташқари, Шарқий Осиё, Европа ва Яқин Шарқда ядровий мақом бўйича мунозаралар кучаймоқда, кўпроқ давлатлар ўз дастурларини ишга туширишлари мумкин.
