Эрон АҚШ зарба берган учта ядровий объектни олдиндан “эвакуация қилганини” маълум қилди — Reuters

Бу ҳақда Эрон давлат телевидение ва радиокомпанияси раҳбарининг ўринбосари Ҳасан Абединий телевизион эфирда эълон қилди.

«Бойитилган уран захиралари ядровий марказлардан олиб чиқиб кетилган. Уларга зарба берилса, радиация тарқалиб, юртдошларимизга зарар етказиши мумкин эди, шунинг учун бунай материаллар эвакуация қилинган», — деди Абединий.

Эрон парламенти раисининг маслаҳатчиси Меҳди Муҳаммадий ҳам Эрон Қўшма Штатларнинг Фордога ҳужум қилишини кутганини, шу сабабли «объект аллақачон эвакуация қилинганини ва етказилган зарар кўлами унчалик йирик даражада эмаслигини» таъкидлади.

Maxar Technologies сунъий йўлдош кузатувлари компанияси эса зарбалардан икки кун олдин Фордо заводи атрофида юк машиналари ва транспорт воситалари ҳаракати фаоллашганини қайд этган. Компанияга кўра, бу фаоллик юқори даражада бойитилган уран ядро объектларидан олдинроқ олиб чиқилганига далил бўлиши мумкин.