АҚШ Эронга яна қачон ҳужум қилади?
Пентагон раҳбари Пит Хегсетнинг маълум қилишича, Эроннинг ядровий объектларига қарши АҚШ операцияси аввалдан «очиқ якунга эга бўлган» ёки узоқ давом этадиган кампания сифатида режалаштирилмаган. Яъни АҚШ Эронга қачонки Эрон томонидан таҳдид туғилсагина ҳужум қилади.
“Президент (Дональд Трамп — таҳр.) айтганидек, бу мутлақо аниқ чекланган операция — яъни, охири йўқ кампания эмас. Лекин бу бизга зарурат туғилганда жавоб қайтариш имкониятини чекламайди. Президент бизга Эроннинг ядровий салоҳиятини йўқ қилиш бўйича аниқ вазифа юклатди”, — деди Хегсет журналистларга.
