Испания Бош вазири Европага: “Сиз иккиюзламачисиз. Исроилга ҳеч нарса қилолмаяпсиз”
Испания Бош вазири Педро Санчес Россияга нисбатан санкциялар бўйича Европа Иттифоқи сиёсатидаги қарама-қаршиликни танқид қилди.
Европа Кенгашидаги чиқишида Санчес ЕИ Россияга қарши 18 та санкция пакетини жорий қилганини, бироқ Исроил инсон ҳуқуқлари бўйича шартнома моддалари бузилишига қарамай, у билан ҳамкорликни давом эттираётганини таъкидлади.
«Россияга қарши 17 та санкция пакети жорий қилиб, Исроилга нисбатан буни қилмаслик мантиқий эмас. Европа иккиюзламачилик қилмоқда, ҳатто Исроил билан ҳамкорлик бўйича битимни тўхтатишга ҳам журъат эта олмаяпти», — деди у.
Санчес юзага келган вазиятда мантиқ йўқлигини айтди ва бундай ёндашув Европа Иттифоқи ичида икки томонлама стандартлар мавжудлигини кўрсатаётганини урғулади.
