Литва президенти: Украинадаги уруш яқин 3 йил ичида тугаши қийин
Литва президенти Гитанас Науседанинг таъкидлашича, у Украинадаги урушнинг яқин уч йилда якунланишига ишонмайди. Бу ҳақда у журналистлар билан суҳбатда билдирди.
«Мен ҳозирча тонг нури кўриняпти, деб айтолмайман. Россия олға силжишга тайёр эмас — у фақат музокараларни имитация қилмоқда. Албатта, умид қиламанки, уруш Европа Иттифоқининг кейинги кўп йиллик бюджетигача ҳал этилади. Аммо ҳозир оптимистик фикрда эмасман», — деди Науседа.
Маълумот учун, ЕИнинг янги кўп йиллик бюджети 2028 йилдан амалга кириши режалаштирилган.
