Мбаппе «ПСЖ»ни товламачиликда айблади

«ПСЖ» ва Килиан Мбаппе ҳуқуқий майдонда баҳслашишда давом этмоқда. Томонлар ўртасидаги молиявий можарога яна бир нарса қўшилди: Мбаппе клубни маънавий таъқиб қилиш ва товламачилик қилишга уринишда айбламоқда. Футболчи май ойидаёқ «ПСЖ» устидан шикоят қилган ва энди бу шикоятни текшириш учун иккита тергов ҳаками тайинланган. Бу ҳақда RMC Sport хабар бермоқда.

Мбаппенинг аргументи 2023 йил ёзида юзага келган вазиятдир. Ўшанда «ПСЖ» Килиандан шартномани узайтирмаслигини эшитгач, ҳужумчини машғулотлардан четлатганди.

Килиан Мбаппе 2024 йилнинг ёзида «ПСЖ»дан «Реал»га эркин агент сифатида ўтганди.