Париж яқинида самолёт қулаши оқибатида 3 киши ҳалок бўлди
Париждан 100 км узоқликда жойлашган Шартр шаҳри (Эр-и-Луар департаменти) яқинида кичик самолёт қулаб тушди, уч киши ҳалок бўлди.
Бу ҳақда Le Parisien газетаси префектурага таяниб хабар бермоқда.
«Самолёт турар-жой ҳудудига қулаган, лекин турар-жой бинолари устига эмас», — дея газета префектура баёнотидан иқтибос келтиради.
Полиция воқеа содир бўлган ҳудудни ўраб олди, воқеа жойида фавқулодда хизматлар ишламоқда.
