Сени олифталаниш учун, ялтиллатиб қизларни миндириб юриш учун сотиб олганим йўқ!.. (видео)

Сенга қилган харажатларимнинг ҳаммасини тўлайсан! Эшакдай ишлатаман. Ўлмайсан! Темир бўлсанг. Сал чанг бўлсанг ювиб юборамиз, кейин яна аввалгидай оппоқ бўласан-қоласан. Мола тортадиган тракторлар ҳозир отлиққа йўқ. Бўлгани билан  текинга келиб менинг ишимни қилиб бермайди. Бунинг устига, сен турганда, мен кетмон билан ишламайман… «Одамлар шаҳарларда авайлаб миниб юришибди», дейсанми? Нима бўлибди шунга? Ана, сени ҳам шаҳарлик сотиб олганида, ҳар куни «мойка» қиларди. Менинг қўлимга тушган экансан, энди ўзингдан кўр. Яна мен сени кредитга олганман. Ишламасанг, пул топмасанг, кредитни катта холангникидан тўлайманми?!