Москва марказида ичида ФСБ ходимлари бўлган машина портлаб кетди
Москва марказидаги Старопименовский тор кўчасида ичида Россия махсус хизматларининг ветеранлари — СССР Давлат хавфсизлик қўмитасининг 80 ёшли фахрийси ҳамда унинг қизи — Федерал хавфсизлик хизматининг (ФСБ) собиқ ходими бўлган автомобил портлаб кетди, деб хабар беради Mash.
Маълумотларга кўра, аёл фавқулодда хизмат ходимлари етиб келгунга қадар олов эгаллаб олган машина ичида отасини чиқариб олишга муваффақ бўлган. Кейинроқ у ўтган ой транспорт воситасини техник хизмат кўрсатишдан ўтказганини, жумладан, кондиционерини тўғирлаб, янги сигнализация ўрнатганини маълум қилган.
Гувоҳлар бир нечта портлаш овозини эшитганини таъкидлаган. Юзага келган ёнғин оқибатида иккита машинага шикаст етган. Ёнғин зудлик билан бартараф этилган.
Ҳозирча жабрланганлар тўғрисида маълумот келиб тушмаган.
