Путин ва Трамп ўртасидаги телефон суҳбатида нималар муҳокама қилинди?
Россия президенти ёрдамчиси Ушаков Трамп ва Путин ўртасидаги суҳбат юзасидан бир қанча баёнотлар берди:
Украина борасида
▪️Россия Украина билан Истанбул тинчлик келишувлари доирасида ишламоқда ва Россия можарони музокаралар йўли билан ҳал қилишда давом этади.
▪️Россия юзага келган қарама-қаршиликнинг барча асосий сабабларини бартараф этишдан воз кечмайди.
▪️Трамп Украинадаги ҳарбий ҳаракатларни имкон қадар тезроқ тугатиш масаласини кўтарди.
АҚШ ҳақида
▪️Трамп АҚШ Сенатида солиқ ва иммиграция ислоҳоти тўғрисидаги қонун лойиҳаси муваффақиятли қабул қилиндиганини маълум қилди.
▪️Путин Трампни яқинлашиб келаётган АҚШ Мустақиллик куни билан табриклади.
▪️Путин Россия Америка давлатчилигининг шаклланишида муҳим роль ўйнаганини таъкидлади.
Яқин Шарқ мавзуси
▪️Президентлар Эрон ва бутун Яқин Шарқ атрофидаги вазиятни батафсил муҳокама қилишди.
▪️Путин ва Трамп суҳбат чоғида Суриядаги ўзгаришларга ҳам тўхталиб ўтди. Москва ва Вашингтон бу борадаги мулоқотни давом эттиришга келишиб олди.
Бошқа мавзулар
▪️Путин ва Трамп энергетика ва коинотни тадқиқ қилиш соҳаларида бир қатор истиқболли қўшма лойиҳаларни муҳокама қилишди.
▪️Суҳбатда Россия ва АҚШ президентлари учрашуви мавзуси муҳокама қилинмади.
