Келаси ҳафта Украина Вазирлар Маҳкамасида кадрлар ўзгариши ва АҚШдаги элчини алмаштириш режалаштирилмоқда — Financial Times
Газетанинг манбаларга таяниб ёзишича, Зеленский Трампга Украинанинг Қўшма Штатлардаги элчиси Оксана Маркаровани алмаштиришга ваъда берган. Республикачилар уни Демократик партияга яқинлиги учун танқид қилган эди.
Президентлар ўртасидаги келишувга кўра, ҳар икки томон элчиликка янги номзодлар бўйича алоҳида маслаҳатлашувлар ўтказади. Юқори лавозимли украиналик расмийнинг маълум қилишича, Зеленский “Келишувлар туза оладиган, Оқ уйга ҳам, Конгрессга ҳам мақбул бўлган одам”ни элчи этиб тайинлашни режалаштирмоқда.
«Украинанинг Қўшма Штатлардаги элчилигига номзодлар орасида бош вазир Денис Шмигал, бош вазир ўринбосари Олга Стефанишина, мудофаа вазири Рустем Умеров, энергетика вазири Герман Галушенко, маданият вазири Ростислав Точицкий ҳамда президент девони раҳбари ўринбосари Игор Жовква бор», дея ёзмоқда Financial Times.
