Трамп Россияга қарши янги санкцияларни АҚШ Конгресси орқали қабул қилиш вариантини «қатъий равишда» кўриб чиқаётганини маълум қилди
Қўшма Штатлар президенти, шунингдек, Путиннинг ҳаракатларидан норози эканини билдирди.
«Путин бизга тўхтовсиз раваишда ахлат ташламоқда. Унинг гаплари чиройли эшитилади, аммо амалда барчаси бефойда», — деди президент.
Журналист Трампга «Путиндан норозилигингизни қандайдир тарзда билдиришингизни режалаштиряпсизми?», дея савол берди.
«Мен сизга бу ҳақда айтмайман. Кичик бир сюрприз қилишни истамаймиз» — деб жавоб берди Қўшма Штатлар етакчиси.
Шу билан бирга, АҚШ президенти Украина можаросини тартибга солиш вазифаси ўзи кутганидан анча мураккаб бўлиб чиққанини тан олди.
«Украинадаги уруш атиги 3–4 кун давом этган бўларди, лекин украиналикларда жуда зўр қуроллар бор. Биз уларга энг яхши қуролларни бердик», — дея қўшимча қилди Трамп.
