Мексикада 33 тонна олтин ва кумуш концентрати ортилган юк машинаси ўғирлаб кетилди
Бу ҳақда Bacis кончилик гуруҳи хабар берди.
«Уюшган жиноий гуруҳ иккита автомобилда камида 33 тонна олтин ва кумуш концентрати ортилган CV Cargetes Durango SA юк машинасига ҳужум уюштирди,» – дейилади гуруҳ баёнотида.
Юк машинаси қайтарилган, аммо ундаги концентрат қаерга кетгани ҳали номаълум. Ҳайдовчи ва ходимлар жабрланмаган.
