NYT: Зеленский Трамп томонидан Путинга Украина урушини якунлаш учун берилган 50 кунлик муддатдан норози
«Биз учун эллик кун — бу яна шунча вақт ҳар куни қўрқувда яшаш дегани», — деди Зеленский The New York Times’га берган интервюсида.
«Ростини айтсам, Путин президент Трампга урушни тугатиш режалари борлиги ҳақида ёлғон гапирган. АҚШ президенти ҳаммаси аслида бутунлай тескари эканини англаб етди. Ҳозирда Трамп барчаси ёлғон бўлиб чиққанидан афсусда, Путин уни шунчаки лақиллатган. Фикрлар жуда тез ўзгаради, 50 кун жудаям узоқ муддат», — дея фикр билдирди Украина президенти.
Шу билан бирга, Зеленский Россияга қарши санкциялар жорий этиш билан таҳдид қилгани учун Трампдан миннатдор эканини қўшимча қилди.
