НАТО Хитойнинг Тайванга эҳтимолий ҳужуми ҳақида огоҳлантирди

НАТО бош котиби Марк Рутте Fox News телеканалига берган интервьюсида Хитойнинг Тайванга эҳтимолий ҳужуми глобал хавфсизлик учун жиддий таҳдид туғдиришини таъкидлади. Унинг фикрича, бундай ҳолат Россияни ҳам НАТОга қарши кескин ҳаракатларга ундаши мумкин.

Марк Рутте интервьюсида Шимолий Корея, Хитой ва Эрон Россия билан яқиндан ҳамкорлик қилаётганини қайд этди. Бу давлатлар ўртасидаги ўзаро алоқалар минтақавий ва глобал хавфсизлик муаммоларини янада кескинлаштириши мумкин, дейди бош котиб.

Пентагон апрель ойида эълон қилган ҳисоботда Хитой 2027 йилгача Тайванга босқин қилишга тайёргарлик кўриши мумкинлиги ҳақида огоҳлантирган. АҚШ разведка хизматлари Хитой ҳарбийларининг сўнгги йилларда олиб бораётган машғулотлари ва стратегик режаларини диққат билан кузатиб бормоқда. Шу сабабли АҚШ ва НАТО минтақадаги ҳарбий-сиёсий вазиятни мунтазам мониторинг қилмоқда.