Гонконгдан Деҳлига учган самолёт ёниб кетди

Air India авиакомпаниясининг Гонконгдан Нью-Деҳлига парвоз қилаётган Airbus А321 самолёти Индира Ганди номидаги халқаро аэропортга қўнгандан кейин ёниб кетди.

Бу ҳақда авиакомпания Х ижтимоий тармоғида хабар берди.

Йўловчилар ва экипаж аъзолари хавфсиз тарзда эвакуация қилинган.

Гувоҳларнинг сўзларига кўра, ҳодиса йўловчилар самолётдан тушаётган пайтда юз берган.

Air India вакилларининг тушунтиришича, хавфсизлик протоколларига мувофиқ тизим автоматик равишда қурилмани ўчирган. Ҳодисага ёрдамчи қурилманинг ёниб кетиши сабаб бўлган.

Ҳодисада ҳеч ким жабрланмаган.