Россия ва Украина учрашувларининг учинчи раундида тинчлик шартлари муҳокама қилинади

Истанбул Россия ва Украина ўртасида 2022 йил 24 февралда бошланган урушни тугатиш мақсадидаги тўғридан-тўғри музокаралар майдони бўлиб қолмоқда. Томонлар учинчи раундни ўтказишга ўзаро розилик берган.

2022 йил 29 март куни Туркия президенти Ражаб Тоййиб Эрдўғоннинг воситачилиги орқали Россия ва Украина делегациялари Истанбулдаги Долмабахче мажмуаси ишчи биносида тўғридан-тўғри музокаралар ўтказган эди. Уруш бошланган илк ҳафталарда бўлиб ўтган бу учрашувда энг сезиларли натижаларга эришилган.

Бироқ, урушни тўхтатиш имконини берган натижалар Ғарб давлатларининг ташқи аралашуви туфайли амалга оширилмай қолган. Энди, янги музокара раундида асосий эътибор тинчлик шартларини белгилашга қаратилган.