Эрон, Россия ва Хитой Теҳронда ядровий музокараларни муҳокама қилди

Эрон пойтахти Теҳронда Эрон, Россия ва Хитой дипломатлари ўртасида уч томонлама учрашув бўлиб ўтди. Унда асосий эътибор Эроннинг ядровий дастури, Ғарб билан музокаралар ва мамлакатга қўйилган санкциялар масалаларига қаратилди.

Эроннинг расмий IRNA агентлиги хабар беришича, учрашув Ташқи ишлар вазирликлари бош директорлари даражасида ўтган ва унда АҚШ ҳамда Европа давлатлари билан бўлиб ўтаётган музокаралар муҳокама қилинган.

Томонлар бундай форматдаги учрашувларни келгуси ҳафталарда ҳам давом эттириш бўйича келишувга эришган.