Жиноятга жиноят биланми?!
Ангрендаги педофилия жинояти тўғрисидаги постим кенг тарқалиб, муҳокамаларга сабаб бўляпди. Бу воқеа қахрамони бўлган қизга амалий ёрдам кўрсатиш борасида биринчи манбааларнинг хизмати катта. Мен эса бу ёвуз хабарни шу интернетдан кўриб, улашиб қўйдим холос.
Айтмоқчи бўлган гапим: Изоҳларни мониторинг қиларкан, аксар одамларнинг “педофилларни қийнаб ўлдириш керак, отга-эшакка қўшиш керак, бўғизлаш керак” ва ҳаказо ва ҳаказо ваҳшиёна услубларни таклиф қилаётганига гувоҳ бўлдим.
Йўқ азизлар! Тушунаман, ҳиссиёт ғолиб
келяпди. Тушунаман, жиноятнинг жирканчлиги унча-мунча одамни психикасига ўта салбий таъсир қилиб қоляпди……
Аммо бизнин талабимиз қонуний асосда бўлиши керак. Тушунаман, қонунлар бу борада кўнгилдагидек эмас. Демак қонунларга ўзгартириш киритишларини сўраб, педофилларга нисбатан энг оғир жазолар қўлланилиши, дунё тажрибасидаги кастрация амалиётининг татбиқ қилинишини талаб қилишимиз тўғри йўлдир.
Жиноятчига унинг жинояти даражасидаги жиноят орқали даҳл қилишни тарғиб қилсак, у ҳолда ўша педофил жиноятчидан нима фарқимиз қолади?
Дилнур Камилов
