Макрон рафиқасини «эркак» деб атаган америкалик блогерни судга берди — АFP
«Франция президенти Эммануэл Макрон ва унинг рафиқаси “Брижит Макрон аслида эркак бўлиб туғилгани”ни даъво қилаётган ўта консерватив блогер Кэндис Оуэнсга қарши туҳмат даъвоси билан судга мурожаат қилди. 218 саҳифадан иборат даъво аризаси Қўшма Штатларнинг Делар штати судига Унда Оуэнс “бемаъни, туҳмат ва ғайритабиий уйдирмалар”ни тарқатиши айтилади», деб ёзади агентлик.
Оуэнс бир вақтлар Брижит Макрон жинсини ўзгартирганини бир неча бор таъкидлаган. Хусусан, у ўзининг YouTube каналида (4,5 миллион обуначига эга) “Брижитга айланиш” номли саккиз қисмдан иборат подкастни эълон қилган, унинг эпизодларидан бири “Франциянинг биринчи хоними эркакми?” деб аталади.
Ижтимоий тармоқларда бир неча йиллардан бери айланиб юрган фитна назариясига кўра, Франция президентининг рафиқаси Жан-Мишел Троне (аслида унинг акаси шундай исмда туғилган) исми билан дунёга келган. Қайд этиш жоизки, бу назария ҳеч қандай тасдиққа эга эмас.
Макронлар оиласи Оуэнсни яна икки пункт бўйича ёлғончиликда айбламоқда: даъвога кўра, ушбу аёл Эммануэл ва Брижит ўзаро қариндош эканини даъво қилган, шунингдек, Макрон «Марказий разведка бошқармаси амалга оширган онгни назорат қилиш дастури доирасида Франция президенти сифатида танлангани»ни айтган.
