Исроил Ғазога гуманитар ёрдам олиб кетаётган кемани қўлга олди
Ғазо секторида инсонпарварлик ёрдами бўйича халқаро ташкилотнинг хабар беришича, гуманитар ёрдам олиб кетаётган Handala кемаси Исроил кучлари томонидан қўлга олинди.
ОАВ маълумотларига кўра, кема бортида 21 киши бўлган. Кема экипажи томонидан тўғридан-тўғри эфирда исроиллик аскарларнинг кемага ўтириб, фаолларга қўлларини кўтаришни буюрган пайти тасвирланган.
Исроил Ташқи ишлар вазирлиги томонидан эълон қилинган баёнотда, Исроил ҳарбий-денгиз кучлари Ҳандала кемасини қўлга олди.
Баёнотда қайд этилишича, кеманинг Исроил ҳудудий сувларига ноқонуний равишда киришининг олди олинган.
