Колумбия Президенти денгиз флотига Исроилга кўмир олиб кетаётган кемаларни тўхтатишни буюрди

Колумбия президенти Густаво Петро мамлакат ҳарбий-денгиз кучларига, кўмир экспорти расман тақиқланганига қарамай, Исроилга кўмир ташиётган кемаларни тўхтатиш ҳақида кўрсатма берди.

Vesti.az’нинг хорижий оммавий ахборот воситаларига асосланиб хабар беришича, у бу баёнотни трансмиллий компаниялар томонидан давом этаётган етказиб беришлар фонида билдирган.

Давлат раҳбарининг айтишича, ҳукумат киритган тақиққа қарамасдан, тошкўмир юклари Исроилга жўнатилишда давом этмоқда. Асосий экспортчилар сифатида «Glencore» ва «Drummond» корпорациялари кўрсатилган бўлиб, Петронинг таъкидлашича, улар Исроил кўмир импортининг 60 фоизигача таъминлайди.

Шунингдек, у кўмир касаба уюшмалари билан фавқулодда йиғилиш чақирди.

Колумбия ва Исроил ўртасидаги можаро 2025 йил май ойида Богота Исроил расмийларини Ғазодаги ҳарбий жиноятларда айблаб, Тел-Авив билан дипломатик муносабатларни узганидан кейин кескинлашди. Шу фонда президент Исроилга кўмир экспортини тақиқлаш тўғрисидаги фармонни имзолади, бироқ бир қатор компаниялар амалдаги халқаро шартномаларга таяниб, етказиб беришни давом эттирди.

Энди Колумбия ҳукумати янада қатъий чораларга ўтишга тайёр – ҳатто денгиз блокадасигача.