Трамп АҚШ ва ЕИ ўртасида савдо битими тузилиш эҳтимолини «50 га 50» деб баҳолади
Қўшма Штатлар президенти бу ҳақда Еврокомиссия раҳбари Урсула фон дер Ляен билан Шотландиядаги учрашувида маълум қилди.
«Бизда уч-тўртта муаммоли масала бор, лекин ҳозирча уларни батафсил муҳокама қилишни истамайман. Биз уларни кўриб чиқамиз, аммо менимча, энг муҳим масала — бу савдо муносабатларини адолатли тарзда йўлга қўйиш масаласи ҳисобланади», — дея қўшимча қилди у.
Трамп, шунингдек, АҚШ Европа Иттифоқи маҳсулотларига нисбатан бож ставкаларини 15 фоиздан паст даражада белгилашни режалаштирмаётганини айтди.
