Хакерлик ҳужумидан бир сутка ўтиб “Аэрофлот” яна 50 дан ортиқ рейсни бекор қилди — “Интефакс”

Агентликнинг “Шереметьево” аэропортининг онлайн жадвалига таяниб ёзишича, сешанба куни “Аэрофлот” Москвадан 22 та ва пойтахтга йўналган 31 та рейсни бекор қилган. Бу рейслар “Аэрофлот”нинг ўзига тегишли бўлган ҳамда унинг “Россия” шўба авиакомпанияси билан биргаликда амалга ошириладиган парвозлар бўлган.

“Аэрофлот” матбуот хизмати Москва вақти билан соат 10:00 гача “мақсадли бекор қилишлар” амалга оширилганини, шундан сўнг асосий парвозлар дастури барқарорлашганини маълум қилди.

Кеча “Аэрофлот”нинг IT-инфратузилмаси кенг кўламли киберҳужумга учраган эди, бу эса қарийб 100 та рейснинг бекор қилинишига ва оммавий кечикишларга олиб келган.
Мазкур ҳужум учун жавобгарликни Silent Crow ва Cyberpartisans BYномли икки хакерлар гуруҳи ўз зиммасига олди. Улар компаниянинг бутун IТ-инфратузилмасини амалда йўқ қилганликларини даъво қилишмоқда.

Россия Бош прокуратураси кейинчалик хакерлик ҳужуми версиясини тасдиқлади ва жиноят иши қўзғатилди.