Канаданинг Онтарио провинцияси Илон Маскнинг Starlink йўлдош интернет хизмати билан шартномасини бекор қилди
Шартнома бекор қилинганини Онтарионинг Энергетика ва кончилик вазири Стивен Лечче маълум қилди. Лечче ҳукумат қишлоқ ҳудудларини интернет билан таъминлаш учун “муқобил ечим излаётганини” айтиб ўтди.
Бу шартнома қишлоқ ҳудудлардаги 15 000 та уй ва корхоналарни юқори тезликдаги интернет билан таъминлашга қаратилган эди. Провинция расмийлари шартномани бекор қилиш учун компенсация тўланганини тасдиқлади, бироқ унинг қийматини ошкор қилмади.
Шартнома қиймати 100 миллион долларни ташкил этган. ОАВ манбаларининг маълум қилишича, келишувни бекор қилиш учун тўланган товон суммаси шартнома қийматидан анча кам бўлган.
Starlink билан шартноманинг бекор қилиниши Онтарио провинсияси бош вазири Даг Форд томонидан Қўшма Штатларнинг Канада маҳсулотларига қўйган божларига жавоб чораси сифатида амалга оширилган.
