Беш кун сув ичида қолиб кетган одам тирик чиқди
Хитойнинг Хунан провинциясида яшовчи Ван исмли 40 ёшли ғаввос сув ичида адашиб қолди, сўнг сув ости ғорида беш кун жон сақлаб, омон қолди.
Ғаввоснинг ғойиб бўлганини сезган қутқарувчилар зудлик билан қидирув ишларини бошладилар, бироқ уринишлар муваффақиятсиз якунланди.
Дарёнинг чуқурлиги бир неча ўнлаб метрни ташкил этади, сув ости ғорларининг мураккаб тизимига кириш эса тахминан тўққиз метр чуқурликда жойлашган. Эркак ғор бўшлиғидан паноҳ топган ва хом балиқ истеъмол қилиб кун кечирган.
Яна бир қидирув операцияси вақтида Ван қутқарувчиларнинг сузиб ўтаётганини пайқаб қолди. Баллонда атиги 4% кислород қолганида, у ҳаво чўнтагида сузиб, ғаввосларга чироқ билан ишора қилди. Ташқарига олиб чиқилган Ваннинг аҳволи яхши, ҳатто тез ёрдам машинасига ўзи юриб борди.
