Путин Зеленский билан учрашишга тайёр, аммо бу учун айрим шароитлар зарур – Песков
Дмитрий Песковнинг сўзларига кўра, Путин ва Зеленскийнинг учрашувини ўтказиш учун ҳозирча тайёргарлик ишлари амалга оширилмаяпти.
«Бундай учрашувга ҳозирча барча тайёргарлик ишлари олиб борилгани йўқ. Эслашимиз мумкин, президентнинг ўзи ишнинг зарур қисми экспертлар даражасида амалга оширилгандан ва керакли масофа босиб ўтилгандан сўнг бундай учрашувни ўтказиш имкониятини доимо истисно этмайди», – деди Кремл матбуот котиби.
Песков аввалроқ ҳам Путин ва Зеленский ўртасида шахсий учрашув бўлиши мумкинлиги, аммо бу «икки делегация ўртасидаги турли соҳалардаги аниқ келишувлар натижаси» бўлиши кераклигини айтган.
Кремл расмийсининг қўшимча қилишича, Путин ва Зеленскийнинг учрашувини ўтказиш учун ҳозирча тайёргарлик ишлари амалга оширилмаяпти.
«Россия Украинадаги можарони сиёсий ва дипломатик йўл билан ҳал қилиш тарафдори бўлиб қолмоқда», – дейди Песков.
Маълумот учун, Зеленский урушни тугатиш учун Путин билан шахсий учрашув зарурлигини бир неча бор таъкидлаб келган.
