ХАМАС: 2023 йилдан бери Ғазода 230 дан ортиқ журналист ҳалок бўлди
Фаластиндаги ХАМАС ҳаракати маълум қилишича, 2023 йил октябрида Исроил армияси томонидан Ғазо секторида бошланган ҳарбий операциялар давомида 233 нафардан ортиқ оммавий ахборот воситалари ходимлари ҳалок бўлган.
Бу ҳақда ХАМАСнинг расмий вакили Иззат ар-Ришк Telegram-канали орқали хабар берди. У, шунингдек, жаҳон журналистлар гуруҳининг Ғазога кириш ҳақидаги талабини қўллаб-қувватлади.
Маълумотларга кўра, 100 дан зиёд халқаро ОАВ журналистлари махсус петицияни имзолаб, Ғазога эркин кириш имконини талаб қилган.
