Яна бир ўзбекистонлик футболчи Европа клубига ўтиши мумкин
Яна бир ўзбек футболчиси Европа клубларининг диққат марказида. “Сурхон” жамоасининг 20 ёшли ҳужумкор ярим ҳимоячиси Асилбек Жумаев Португалия ёки Бельгия клубларидан бирига кўчиб ўтиши мумкин.
Футболчининг эҳтимолий трансфери қишки трансфер ойнасида амалга ошиши кутилмоқда. Ҳозирда бир нечта клуб скаутлари унинг ўйинларини диққат билан кузатмоқда.
Таъкидлаш жоизки, Жумаевнинг трансфер баҳоси 300 минг евро деб баҳоланмоқда. Унинг “Сурхон” билан шартномаси 2026 йилнинг охиригача амал қилади.
