Кличко: «Ҳар бир киши урушдан чарчаган, дипломатик ечим керак»
Киев мэри Виталий Кличко BILD нашрига берган интервьюсида Украинада урушдан умумий чарчоқ борлигини айтди. У Россия билан келишув, ҳатто ҳудудий йўқотишлар эвазига бўлса ҳам, тинчликка олиб келиши мумкинлигини билдирди.
Унга кўра, қарорни президент Зеленский қабул қилиши керак. Кличко Зеленский, Путин ва АҚШ президенти Трамп ўртасида музокара бўлиши зарур, деб ҳисоблайди.
«Бу урушни Путин бошлади ва фақат у тўхтата олади», — деди у. Шунингдек, Германиянинг ёрдами бутун Европа учун муҳимлигини таъкидлади.
