Россия Исроилнинг Ғазони босиб олиш ниятини кескин қоралади
“Иккинчи жаҳон уруши даврида Холокостга дуч келган яҳудий халқи энди фаластинликларни геттоларга жойлаштириши ва уларни бутунлай йўқ қилишга интилиши мумкинлигига ишониш қийин”, деди Россиянинг БМТдаги доимий вакилининг биринчи ўринбосари Дмитрий Полянский Хавфсизлик кенгашининг фавқулодда йиғилишида Исроилнинг Ғазо устидан тўлиқ назорат ўрнатиш ҳақидаги қарорини изоҳлар экан.
БМТ йиғилишига параллел равишда Исроилнинг ўзида ўн минглаб фуқаролар Бош вазир Нетаньяхунинг режаларига норозилик билдиришди.
Айни дамда бу йил бошидан буён мамлакатдаги энг йирик норозилик намойишлари бўлди – ташкилотчиларга кўра, уларда 100 мингдан ортиқ одам қатнашган.
