Париж Исроилдан журналистларни ўлдиришни тўхтатишни талаб қилди
Франция Ташқи ишлар вазирлиги Ғазо секторида олти нафар журналистнинг ўлдирилиши муносабати билан баёнот билан чиқди.
Баёнотда Франция ўз вазифасини бажараётган журналистлар гуруҳининг ҳалок бўлишига олиб келган Исроил ҳужумини қоралаши алоҳида таъкидланган. Ғазода журналистлар тўлаган оғир тўлов Франция томонидан жиддий хавотир билан қайд этилди.
2023 йил 7 октябрдан бери Исроилнинг Ғазо секторидаги ҳужумлари натижасида 200 дан ортиқ журналист ҳалок бўлган.
Франция сўз эркинлиги, матбуот эркинлиги ва журналистларни ҳимоя қилишга содиқлигини яна бир бор тасдиқлади.
«Журналистлар ҳеч қачон нишонга айланмаслиги керак. Улар, бошқа тинч аҳоли каби, халқаро гуманитар ҳуқуқ билан ҳимояланган», — дейилади баёнотда.
