Ёш йигитларга!.. «Эркак бўлиш бўйича бепул тренинг»ни қидиряпсизми?!
Бу жуда жиддий масала. Сиз 20 ёшлар атрофидасиз, лекин ўзингиздан 20–25 йил катта аёлларнинг шахсий ҳудудига кириб, хабар ёзиб бораяпсиз. Она меҳрими, , спонсорми ёки «эркак бўлиш бўйича бепул тренинг»ни қидиряпсизми, катта ёшли аёлдан, нима қидиряпсиз?
Сизнинг тилингиздан катта ёшли аёлга нисбатан айтилган «Сиз ёш қизчадек ёш кўринасиз» деган гап — комплимент эмас, балки анекдотга ўхшайди. Катта ёшдаги аёлларга бундай “эртаклар” керак эмас, йигитча.
Агар ҳақиқатан ҳам катта кўринишни истасангиз — аввал ўзингиз улғайинг. Ҳеч бўлмаса, ўзингизга йўлкира ва кийим кечакка ўзингиз пул топишни ўрганинг.
Ёши катта аёлга ёзаётган хабарларингиз эса шунчаки: «Менга эътибор беринг, йўлдан адашиб қолган етимчаман» кўринишидаги спамга ўхшайди.
Ёши катта аёл сизнинг тенгдошингиз эмас, у сиз учун на комплексингизни ёқлайдиган зинапоя ва на ўзингизни синаш учун тренажёр бўла олади. Шунинг учун, ўз тенгдошларингиздан қолманг. Келажакда эгри қилиқларингиз, ҳаёт йўлингизни синишига олиб келмасин.
Зумрад Қундузова
