Зеленский Путин билан учрашувда ҳудудий масалаларни муҳокама қилишга тайёр

Украина Президенти Владимир Зеленский Россия раҳбари Владимир Путин билан учрашув ўтказилса, ҳудудий масалаларни муҳокама қилишга тайёр эканини билдирди. Бу ҳақда украин ОАВлари Украина Ташқи ишлар вазири биринчи ўринбосари Сергей Кислица Meet the Press дастурига берган интервьюсига таяниб хабар қилди.

Маълумотларга кўра, дастур бошловчиси Кислицадан РФ Ташқи ишлар вазири Сергей Лавровнинг Путин ва Зеленский ўртасидаги учрашув ҳозирча режалаштирилмагани ҳақидаги баёнотини изоҳлаб беришини сўради. Шунингдек, тинчлик жараёни ҳали ҳам олға силжияптими ёки ҳозир тўхтаб қолдими, деган савол ҳам берилди.