Трамп Украинани Мустақиллик куни билан табриклади
АҚШ президентининг табрик мактуби матнини Украина етакчиси Владимир Зеленский Х ижтимоий тармоғида эълон қилди.
«Мустақилликнинг 34 йиллиги муносабати билан сизга ва мард Украина халқига самимий табрикларим ва энг эзгу тилакларимни билдираман. Украина халқи енгилмас руҳга эга, мамлакатингиз жасорати эса кўпларга илҳом беради. Қўшма Штатлар сизнинг курашингизни ҳурмат қилади, қурбонликларингизни қадрлайди ва мустақил миллат сифатидаги келажагингизга ишонади», — дейилади Қўшма Штатлар етакчисининг мактубида.
«Энди маъносиз қотилликларга барҳам бериш вақти келди. Қўшма Штатлар қон тўкилишига якун ясайдиган, Украина суверенитети ва шаънини таъминлайдиган, барқарор ва узоқ муддатли тинчликка олиб келадиган музокаралар йўлидаги келишувни қўллаб-қувватлайди», — деб ёзди Доналд Трамп.
