Хитойда қурилаётган темирйўл кўприги қулаб тушди
Ҳодиса кеча Сичуань – Цинхай кўприги қурилиши вақтида сим арқон узилиб, 100 метрли аркали балка қулаб тушган.
Фавқулодда вазият пайтида объектда 16 киши бўлган: 15 нафар қурувчи ва лойиҳа раҳбари. Воқеада 12 ишчи ҳалок бўлган ва 4 нафари бедарак йўқолган.
Ҳозирда қидирув-қутқарув ишлари давом этмоқда, ҳодиса жойида 800 нафар қутқарувчи, 71 та техника жалб қилинган.
Жианчжа кўприги 2025 йил август ойида қуриб битказилиши режалаштирилган эди – у дунёдаги энг йирик икки йўлли аркли темир йўл кўпригига айланиши керак эди.
