Илон Маск Apple ва OpenAI’ни судга берди
Бунга ChatGPT iPhone’ларга интеграция қилингани сабаб қилиб кўрсатилган дейилади Bloomberg хабарида.
Агентлик хабарига кўра, америкалик миллиардер Илон Маскнинг Х ва хАI компаниялари Apple’нинг ОpenAIга тегишли ChatGPTни iPhone’ларда ягона интеграциялашган чат-бот сифатида жорий қилганига қарши чиққан.
Маскнинг ҳуқуқшунослари даъвосида, Apple’нинг бу қарори рақобатни ва сунъий интеллект соҳасидаги инновацияларни чеклаши ҳамда фойдаланувчиларнинг танлов имкониятларини йўққа чиқариб, уларга зарар етказиши билдирилган. Илон Маскнинг компаниялари миллиардлаб доллар миқдорида компенсация талаб қилмоқда.
OpenAI вакили Bloomberg’га берган изоҳида, ушбу даъво “Маск томонидан олиб борилаётган доимий босим сиёсатининг бир қисми” эканини айтди. Apple эса ҳозирча бунга изоҳ бермади.
