Ҳохлаган пайтда «чопиб» ташлаймиз!..
Билмадим, Тимур Кападзе ё кимнингдир думини босиб қўйди ёки кимнингдир буйруғини бажармади. Хуллас, тарихда биринчи марта Ўзбекистон терма жамоасини жаҳон чемпионатига олиб чиққан мураббийнинг ўрнига роса чет эллик мураббийларни ахтариб қолишди. Дастлаб Лёв дейишди. Мана энди Пауло Бенту. У аллақачон Тошкентга ҳам келиб улгурди. Шартнома бугун-эрта имзоланиши кутиляпти. Лекин шу мураббий нима тарих яратганини билмайман, балки эслолмадим. Фақат термалардан тепилганини эслайман, холос.
Айтишингиз мумкин, Ўзбекистонни Катанец қуриб кетган жамоа билан ЖЧга олиб чиқди тайёрига келиб дейишингиз мумкин. Лекин охирги 4 ўйинда 2 та ғалаба, 2 та дуранг катта натижа-ку барибир. Катанец вақтида Қатардан еб келган термамиз Тошкентда янчиб ташлади-ку.
Хитой термаси Кападзени жамоага мураббийликка таклиф қилишмоқчи экан деган гаплар юрибди. Резьюмесида «Ўзбекистонни биринчи марта мундиалга олиб чиққан» деган жойи бор ахир.
Хуллас, мураббий дегани исталган пайт бўшатилиб, исталган пайт чақариб олинадиган қўғирчоқ бўлмаслиги керак ўзбек, кўнгли бўш деб. Агар бирорта чет эллик мураббийни олиб келиб, шартнома имзолаб, 3 ойдан кейин бўшатадиган бўлса, унга катта миқдорда товон пули тўлашга мажбур. Бизнинг мураббийларнинг эса қанча вақтга шартнома қилганиям номаълум қолдирилади ҳамиша. Бу исталган пайти ёқмай қолса, чопвориб, бошқасини олиб келиш учун тешик яратиб беради.
Достон Раҳмат
