Исроилнинг Ғазога ҳужуми қурбонлари сони 62 966 кишига етди

Фаластин Соғлиқни сақлаш вазирлигининг маълумот беришича, 2023 йил 7 октябрдан буён Исроилнинг Ғазо секторини йўналтирилган ҳужумларида ҳалок бўлганлар сони 62 966 нафарга етди.

Фақатгина сўнгги 24 соат ичида Исроилнинг ҳужумлари натижасида 71 киши ҳалок бўлиб, 339 нафар яраланган.

19 январдан кучга кирган сулҳ битимининг бузилиши ортидан, 18 мартдан буён амалга оширилган ҳужумларда қурбонлар сони 11 121 нафарга, яраланганлар эса 47 225 нафарга етди.

Шунингдек, 27 майдан буён Исроил ва АҚШ етакчилигидаги ёрдам марказларига қилинган ҳужумларда 2180 киши нобуд бўлган, 16 046 киши яраланган.

Ғазода ўтган 24 соат ичида очлик ва тўйиб овқатланмасликдан яна 4 киши, жумладан, болалар ҳалок бўлган. Жами қурбонлар сони 317 нафарга, уларнинг 121 нафари болалардир.

Манбаларнинг қайд этишича, минглаб қурбонларнинг жасадлари ҳали ҳам вайроналар остида қолмоқда.