Сурхондарёда пахта терими бошланди
Бунинг учун 1 277 та отряд жалб қилинган.
Сурхондарё вилоятида пахта йиғим-терими мавсуми старт олди. Бу ҳақида УзА ахборот агентлиги хабар бермоқда.
Қайд этилишича, терим ишларига 1 277 та отряд жалб қилинган.
Пахта хомашёси қабул шохобчаларига ўз вақтида етказилиши учун 1 010 та трактор ва 1 965 та тиркама бириктирилган.
Бундан ташқари, жараён самарадорлигини ошириш мақсадида хориждан 60 та замонавий пахта териш машинаси олиб келинди.
