Моуриньо Туркия клубидан ҳайдалди
Португалиялик мутахассис Жозе Моуриньо «Фенербахче» бош мураббийлигидан озод этилди. Бу ҳақда клуб матбуот хизмати хабар берди.
«Биз Жозе Моуриньо билан хайрлашдик. Унга жамоамиз ривожига қўшган ҳиссаси учун миннатдорчилик билдирамиз ва келажакдаги фаолиятида муваффақиятлар тилаймиз», – дейилади клуб баёнотида.
62 ёшли Моуриньо «Фенербахче»ни 2024 йилнинг июлидан буён бошқариб келаётганди. Жамоа ўтган мавсумни Туркия чемпионати турнир жадвалида иккинчи ўринда якунлаганди. 27 август куни «Фенербахче» сафарда «Бенфика»га имкониятни бой бериб, икки ўйин натижасига кўра (0:0, 0:1) Чемпионлар лигасининг умумий босқичига йўлланмани қўлга кирита олмади.
