АҚШ Фаластин маъмурияти аъзоларини БМТ йиғилишига киритмаслик учун уларнинг визасини бекор қилди — Reuters
Қўшма Штатлар Давлат департаменти Фаластин маъмурияти президенти Маҳмуд Аббосни келаси ой Нью-Йоркда бўлиб ўтадиган БМТнинг дунё давлатлари етакчилари йиғилишида қатнашишига йўл қўймаяпти, дея ёзмоқда агентлик.
Давлат департаменти расмийсининг сўзларига кўра, бу қарор натижасида Маҳмуд Аббос ва Фаластин маъмуриятининг яна қарийб 80 нафар расмийси визадан маҳрум қилинади ёки уларнинг визалари бекор қилинади.
Маҳмуд Аббос Нью-Йоркдаги БМТ Бош офиси, Франция ва Саудия Арабистони ҳукуматлари мезбонлик қиладиган саммитда ҳам қатнашиши керак эди. Бу анжуманда Буюк Британия, Франция, Австралия ва Канада каби давлатлар Фаластинни давлат расман сифатида тан олиши режалаштирилган.
Reuters’нинг ёзишича, 1947 йилда имзоланган “БМТ штаб-квартираси тўғрисидаги келишув”га кўра, АҚШ одатда хорижий дипломатларнинг Нью-Йоркдаги БМТ қароргоҳига киришига рухсат бериши шарт. Бироқ Вашингтон хавфсизлик, экстремизм ва ташқи сиёсат сабабларини кўрсатиб визани рад этиши мумкинлигини билдирган.
