Деновда даҳшатли ЙТҲ: 3 киши вафот этгани айтилмоқда
Ҳолат бўйича вилоят ИИБ ЙҲҲБ маълумот берди.
Ижтимоий тармоқларда Сурхондарё вилоятида юз берган йўл-транспорт ҳодисасида 3 киши вафот этгани айтилган видеолар тарқалмоқда. Ҳолат юзасидан вилоят ИИБ ЙҲХБ расмий муносабат билдирди.
Қайд этилишича, ҳодиса 27 август куни соат 10:05 ларда Денов тумани “Қайтмас” МФЙ ҳудудидан ўтувчи йўлда юз берган. 2006 йилда туғилган шахс Nexia русумли транспорт воситасини бошқариб келиб, эҳтиётсизлик ва тажрибасизлиги сабабли олдинда кетаётган автомашинани қувиб ўтиб, йўлнинг қарама-қарши ҳаракат бўлагига чиққан. Натижада қарама-қарши томондан ҳаракатланиб келаётган Lacetti русумли транспорт воситаси билан тўқнашган.
Йўл-транспорт ҳодисаси оқибатида жароҳатланганлар тиббиёт муассасаларига етказилган.
