17 ёшли футболчи ўйин вақтида хотирасини йўқотди
«Лечче» бош мураббийи Эусебио Ди Франческо А Сериянинг «Милан»га қарши ўйинида (0:2) 17 ёшли ҳужумчи Франческо Камардани танаффус пайтида алмаштиришга мажбур бўлгани ҳақида изоҳ берди.
«Камарда майдонда нима бўлганини эслай олмади. Ундан бурчак тўпи пайтидаги ҳаракатлари ҳақида сўраганимда, у ҳеч нарсани билмади. Айнан шу пайтда биз хавотирга тушдик. У яна бир нечта тафсилотларни эслай олмагани учун мен дарҳол уни алмаштиришга қарор қилдим», – деди Ди Франческо.
Футболчи тиббий текширувдан ўтиш учун шифохонага ётқизилди.
